LATEST
Home » கட்டுரைகள் » சிறப்புக் கட்டுரை » தவ்ஹீத் ஜமாஅத்தின் அல்-குர்ஆன் சிங்கள மொழி பெயர்ப்பும், சிறப்பம்சங்களும்.

தவ்ஹீத் ஜமாஅத்தின் அல்-குர்ஆன் சிங்கள மொழி பெயர்ப்பும், சிறப்பம்சங்களும்.

அன்பின் சகோதர, சகோதரிகளே!

ஸ்ரீ லங்கா தவ்ஹீத் ஜமாஅத் (SLTJ) நாடு முழுவதும் ஏகத்துவப் பிரச்சாரத்தையும், சமுதாயப் பணிகளையும் ஏக காலத்தில் ஒரு சேர சிறப்பாக முன்னெடுத்து வருவது அனைவரும் அறிந்ததே!

அல்லாஹ்வின் மார்க்கம் இவ்வுலகில் மேலோங்க வேண்டும் என்பதற்காக மாற்று மொழிகளிலும் இத்தூய பணியினை முன்னெடுத்து செயல்படுத்தி வரும் ஸ்ரீ லங்கா தவ்ஹீத் ஜமாஅத் மாற்று மத நண்பர்களுக்கு இஸ்லாத்தை எத்தி வைக்கும் பணியில் தொய்வின்றி தொடராக  ஈடுபட்டு வருகின்றது.

சிங்கள மொழிப் பிரச்சாரத்தில் ஸ்ரீ லங்கா தவ்ஹீத் ஜமாஅத்

இலங்கை சிங்கள மொழி பேசும் பௌத்த மக்களை பெரும்பான்மையாக கொண்ட ஒரு நாடாகும். இதே நேரத்தில் இங்கு வாழும் கிருத்தவ மக்களும் பெரும்பாலும் சிங்கள மொழியை தாய் மொழியாகக் கொண்டுள்ளார்கள். நகர் புறத்தில் வாழும் முஸ்லிம்களில் பெரும்பான்மையானவர்களும் சிங்கள மொழியை வாசிப்பு, எழுத்து மொழியாகக் கொண்டவர்களே.

இவர்களுக்கு இஸ்லாத்தின் செய்தியை சிங்கள மொழியில் கொண்டு சேர்ப்பதற்காக ஸ்ரீ லங்கா தவ்ஹீத் ஜமாஅத் பல விதமான முயற்சிகளிலும் ஈடுபடுகின்றது.

இஸ்லாம் பற்றிய மாற்று மத நண்பர்களின் கேள்விகளுக்கு பதில் அளிக்கும் விதமாகவும், இஸ்லாத்தின் சட்ட திட்டங்களை குர்ஆன், சுன்னா வழியில் விளக்கும் வகையிலும் இது வரை சுமார் 20 க்கும் அதிகமாக புத்தகங்களை ஜமாஅத் வெளியிட்டுள்ளமை குறிப்பிடத் தக்கதாகும்.

அதே போல், சிங்கள மொழி மூலமான உரைகள் அடங்கிய CD & DVD க்களும் வெளியிட்டு மாற்று மத நண்பர்களுக்கு இலவச விநியோகம் செய்யப்பட்டு வருகின்றது.

இஸ்லாம் பற்றிய பகிரங்க கேள்வி – பதில் நிகழ்ச்சிகள்.

மாற்று மத நண்பர்களுக்கு மத்தியில் இஸ்லாம் பற்றி உருவாக்கப் பட்டுள்ள தவறான எண்ணங்களை நீக்கும் விதமாக நாடு முழுவதும் இஸ்லாம் பற்றிய பகிரங்க கேள்வி – பதில் நிகழ்ச்சி “இஸ்லாம் ஓர் இனிய மார்க்கம்” என்ற பெயரில் சிங்களம், தமிழ் ஆகிய மொழிகளில் நடத்தப்பட்டு வருகின்றன.

மாற்று மத சகோதரர்களுக்கு மத்தியில் கடும் வரவேற்பைப் பெற்ற இந்நிகழ்ச்சி மூலம் மாற்றுமத அன்பர்களின் அகங்களில் கருக்கொண்ட இஸ்லாம் பற்றிய சந்தேகங்கள் நீக்கப்பட்டு தூய இஸ்லாமிய கருத்துக்கள் அவர்களை சென்றடைய வழி வகை செய்யப்படுகின்றன.

  • முஸ்லிம்கள் மாடறுப்பது ஏன்?
  • பெண்கள் உடலை மறைக்கும் ஆடை அணிவது ஏன்?
  • முஸ்லிம்கள் தீவிரவாதிகளா?
  • இஸ்லாம் வழங்கும் பெண்ணுரிமைகள்.
  • இஸ்லாமிய குற்றவியல் தண்டனைகள் எதற்காக?
  • ஜிஹாத் என்றால் என்ன?
  • நபி (ஸல்) அவர்கள் பல திருமணங்கள் செய்தது ஏன்?
  • இலங்கை முஸ்லிம்கள் அரபு நாட்டு இறக்குமதிகளா?
  • ஹழால் உணவு எதற்காக?

போன்ற மாற்று மத சகோதரர்களின் சந்தேகங்களுக்கு பகிரங்கமாக பதிலளிக்கும் நிகழ்ச்சியாக இந்நிகழ்ச்சி அமைக்கப்பட்டு, அறிவுப்பூர்வமான பதில் அளிக்கப்பட்டு வருகின்றது.

சிங்கள மொழியில் அல்- குர்ஆன் மொழி பெயர்ப்பு

சிங்கள மொழி பிரச்சாரத்தின் ஓர் முக்கிய அம்சமாக ஸ்ரீ லங்கா தவ்ஹீத் ஜமாஅத் சார்பில் சிங்கள மொழியில் திருமறைக் குர்ஆன் மொழி பெயர்க்கப்பட்டுள்ளது.

அல்-குர்ஆன் மொழி பெயர்ப்புடன் இணைந்த விளக்கவுரையும் தரப்பட்டுள்ளமை இதன் முக்கிய சிறப்பம்சமாகும்.

இஸ்லாத்தைப் பற்றிய மாற்று மத சகோதரர்களின் குற்றச்சாட்டுக்கள், விமர்சனங்களுக்கான தெளிவாக பதில்கள் அடங்கப் பெற்றே இம்மொழி பெயர்ப்பு தரப்பட்டுள்ளது.

திருக்குர்ஆன் இறைவனிடம் இருந்து தான் இறக்கப்பட்டது என்பதை நிரூபிக்கும் அத்தாட்சிகள் மிகத் தெளிவாக அறிவியல் கருத்துக்களின் ஆதாரத்துடன் விளக்கப்பட்டு தனித் தலைப்பாக விபரிக்கப்பட்டுள்ளது. குறித்த தலைப்பில் உள்ள விளக்கங்களை படிக்கும் யாராக இருந்தாலும் அல்குர்ஆன் அல்லாஹ்விடம் இருந்துதான் இறக்கப்பட்டது என்பதை சந்தேகமற அறிந்து கொள்ள முடியும்.

இன்றைய நவீன அறிவியல் கண்டு பிடிப்புகள் சொல்லுகின்ற செய்திகளை 1400 ஆண்டுகளுக்கு முன்பதாக இறைவன் இவ்வுலகுக்கு அறிவித்து விட்டான் என்ற இறைவனின் தெளிவான முன்னறிவிப்புக்கள் அறிவியல் உண்மைகளுடன் தனியாக தொகுக்கப் பட்டுள்ளது.

உலகில் உள்ள அனைத்து மதங்களையும், வழிகாட்டல்களையும், மார்க்கங்களையும் விட இஸ்லாம் தனித்து விளங்குவதற்கான காரணம் என்ன? என்பதை தெளிவு படுத்தும் அதே நேரம், இஸ்லாத்தின் தனிச் சிறப்புகள் என்னென்ன என்பதும் தனித் தனி தலைப்புகளில் தெளிவாக விளக்கப் பட்டுள்ளன.

இஸ்லாத்தின் மீதும், முஸ்லிம்கள் மீதும் வைக்கப்படும் குற்றச் சாட்டுக்களில் மிக முக்கியமான குற்றச்சாட்டான ஜிஹாத் தொடர்பில் பல தலைப்புக்களில் தேவைப்படும் இடங்களில் மிகத் தெளிவான விளக்கம் அளிக்கப்பட்டுள்ளது. முஸ்லிம்கள் தீவிரவாதிகள் என்ற குற்றச்சாட்டு பொய்யானது என்பதை குறித்த விளக்கங்களைப் படிக்கும் மாற்று மத சகோதரர்கள் தெளிவாக உணர்ந்து கொள்வார்கள் என்பதில் சந்தேகமில்லை.

இது போல், இஸ்லாத்தில் பெண்களுக்கு வழங்கப்பட்டுள்ள உரிமைகள் பற்றிய விளக்கங்கள் பெண்கள் தொடர்பாக வைக்கப்படும் குற்றச்சாட்டுக்களுக்கான அறிவுப்பூர்வமான பதில்கள் தெளிவாக வழங்கப்பட்டுள்ளன.

இஸ்லாத்தின் பெயரால் நடைபெற்று வரும் மூட நம்பிக்கைகள், தவறான கொள்கைப் பிரச்சாரங்கள், தர்கா வழிபாடுகள், இணை வைப்புக் காரியங்கள் அனைத்தும் அவை எவ்வாறு தவறானது என்பதும் தக்க ஆதாரங்களுடன் தெளிவு படுத்தப்பட்டு இம்மொழி பெயர்ப்பு தொகுக்கப்பட்டுள்ளது.

மாற்று மத சகோதரர்களுக்கு இஸ்லாத்தை அதன் தூய வடிவில் நாம் கொண்டு சேர்க்கும் போது தான் இஸ்லாம் பற்றிய தவறான எண்ணங்கள், இனவாத பிரச்சாரங்கள் இல்லாமலாகி இஸ்லாம் மனித நேயம் கொண்ட, தெளிவான மார்க்கம் என்பது புலப்படுத்தப்படும்.

இலங்கையில் இனவாத பிரச்சினையை உண்டாக்கி அதன் மூலம் அரசியல் ஆதாயம் தேட நினைக்கும் அனைத்து இனவாத அமைப்புகளுக்கும் அவ்வியக்கங்கள் இஸ்லாம் பற்றியும், முஸ்லிம்கள் பற்றியும் முன் வைத்த அனைத்து குற்றச்சாட்டுக்களுக்கும் தெளிவாக பதில் அளிக்கப்பட்ட ஒரு இஸ்லாமியக் களஞ்சியமாக இது அமையப் பெற்றிருக்கின்றது.

மிக எளிய நடையில், முழுமையான விளக்கங்கள், இஸ்லாம் பற்றிய விமர்சனங்கள், குற்றச்சாட்டுக்களுக்கு ஆதாரபூர்வமான, அறிவுப்பூர்வமான பதில்கள், அறிவியல் உண்மைகள், அல்-குர்ஆன் இறை வேதம் தான் என்பதை நிரூபிக்கும் ஆதாரங்கள் அனைத்தும் அடங்கி வெளியிடப்படும் இலங்கையின் முதலாவது சிங்கள மொழி பெயர்ப்பு இதுவாகும்.

கடந்த காலங்களில் குர்ஆன் மற்றும் இஸ்லாம் பற்றிய சரியான புரிதல்கள் மாற்று மத நண்பர்களுக்கு வழங்கப்படாமையே அனைத்து பிரச்சினைகளுக்கும் காரணமாக அமைந்தது. அதனை நீக்கும் விதமாக இஸ்லாம் பற்றிய முழுமையான புரிதலை தெளிவாக வழங்கும் வகையில் இந்த மொழியாக்கம் அமையப் பெற்றிருக்கின்றது என்றால் மிகையாகாது.

  • 114 அத்தியாயங்களுக்கும் உரிய மிக எளிய மொழிபெயர்ப்பு.
  • திருக்குர்ஆனின் தனிப் பெரும் சிறப்புகள்.
  • திருக்குர்ஆன் இறைவேதம் என்பதற்கான சான்றுகள்.
  • புனித குர்ஆன் அருளப் பட்ட வரலாறு.
  • அல்குர்ஆன் தொகுக்கப்பட்ட வரலாறு.
  • குர்ஆனில் இடம் பெற்றுள்ள வார்த்தைகள் பற்றிய கலைச் சொல் விளக்கங்கள்.
  • தேவையான வசனங்களை, தேவையான விதத்தில் தேடி எடுப்பதற்கான வசதிகள் கொண்ட தெளிவான பொருள் அட்டவணை.
  • குர்ஆனிய வசனங்களில் தேவைப்படும் இடங்களில் தெளிவான விளக்கங்கள்.

500 க்கும் மேற்பட்ட விளக்கக் குறிப்புகள்.

  • ஜிஹாத் என்றால் என்ன?
  • இஸ்லாம் தீவிரவாதத்தை ஆதரிக்கின்றதா?
  • முஸ்லிம் பெண்கள் உடலை மறைத்து ஆடை அணிவது ஏன்?
  • முஸ்லிம்கள் ஆடு, மாடு அறுப்பது ஏன்?
  • இஸ்லாம் வாலால் பரப்பப் பட்ட மார்க்கமா?
  • இஸ்லாம் பெண்களுக்கு வழங்கிய உரிமைகள் என்ன?
  • மதம் மாற்றப் போர் செய்யலாமா?

போன்ற இஸ்லாம் மீது மாற்று மத நண்பர்களினால் வைக்கப்படும் அனைத்து குற்றச் சாட்டுக்களுக்கும் ஆதாரபூர்வமான, அறிவுப் பூர்வமான பதில்களின் தொகுப்பு.

  • காதியானிகள்.
  • ஷீயாக்கள்.
  • முஃதஸிலாக்கள்
  • அஹ்லே குர்ஆனிகள்.

போன்ற வழிகெட்ட பிரிவினரின் வாதங்களுக்குறிய வரிக்கு வரி பதில்கள்.

  • சந்திரனின் பிளவு.
  • விரிவடைந்து செல்லும் பிரபஞ்சம்.
  • வான் மழையின் இரகசியம்
  • பெரு வெடிப்புக் கொள்கை.
  • குளோனிங் பற்றிய தெளிவுகள்.
  • இரண்டு கடல்களுக்கு மத்தியில் திரைகள்
  • இரும்பு இறக்கப்பட்ட இரகசியம்.
  • மனிதப் படைப்பின் ஆச்சரியங்கள்.

போன்ற இன்றைய விஞ்ஞானம் உறுதிப் படுத்திய விபரங்களை 1400 ஆண்டுகளுக்கு முன்பே இஸ்லாம் கூறியது எப்படி என்பதற்கான விளக்கங்கள்.

  • இயேசு இறை மகனா?
  • பைபிலில் நபிகள் நாயகம் (ஸல்) அவர்கள் பற்றிய முன்னறிவிப்பு
  • இயேசு சிலுவையில் அறையப்பட்டாரா?

போன்ற கிருத்தவ நண்பர்களின் சந்தேகங்களுக்கான தெளிவான பதில்கள்

இன்னும் பல சிறப்பம்சங்கள் அடங்கிய இஸ்லாமிய களஞ்சியம்.

  • 2000 ம் பக்கங்கள்.
  • 500 க்கும் அதிகமான விளக்கக் குறிப்புகள்
  • தெளிவான அச்சுப் பதிப்பு.
  • உயர்தரமான பைBண்டிங்.
  • கையடக்கமான புத்தக அமைப்பு.

இம் மொழி பெயர்ப்பு மாற்று மத நண்பர்களுக்கு வழங்கப்பட்டு, இதனை அவர்கள் படிக்கிற போது இஸ்லாத்தின் மீதும், முஸ்லிம்களின் மீதும் மிகுந்த மரியாதையும், நன்மதிப்பும் உண்டாகும் என்பதில் எவ்வித ஐயமும் இல்லை – இன்ஷா அல்லாஹ்.

அன்பின் சகோதர, சகோதரிகளே!

மாற்று மத சகோதரர்களுக்கும், இஸ்லாத்தை அதன் தூய வடிவில் புரிந்து கொள்ளாத முஸ்லிம்களுக்கும் இஸ்லாத்தின் தூய்மையான செய்திகளை கொண்டு சேர்ப்பதற்கான நமது பயணத்தில் இணைந்து கொள்ள உங்கள் அனைவரையும் அன்புடன் அழைக்கின்றோம்.

அல்லாஹ்வின் மீதாணையாக! உங்கள் மூலமாக அல்லாஹ்  ஒரேயொரு மனிதருக்கு நேர்வழியை கொடுப்பது (அரபுகளின் அருஞ் செல்வமான) சிவப்பு ஒட்டகங்களை (தர்மம் செய்வதை) விட  உங்களுக்குச் சிறந்ததாகும்” என்று நபி (ஸல்) அவர்கள் கூறினார்கள்.

நூல் : புகாரி 3701

12208632_914384118608762_151986507318684820_n

2,328 total views, 2 views today